Қаршида 49 ёшли блогер товламачиликда айбланиб, 5 йилга қамалди
Қашқадарё вилояти Нишон тумани суди блогер Абдуҳаким Абжалиловга нисбатан товламачиликда моддасига асосан ҳукм чиқарди. БУ иш қўзғатилишига нима сабаб бўлгани айтилмаган.
Маълумотларга кўра, блогер Абдуҳаким Абжалилов Жиноят кодексининг 165-моддаси (Товламачилик) «а», «в» бандларида назарда тутилган жиноятни содир этганликда айбдор деб топилиб, 5 йил муддатга озодликдан маҳрум этилган ва у жазони умумий режимли колонияда ўтайди.
Хабарда наманганлик 49 ёшли блогер нима учун Қашқадарё вилоятида судланганига аниқлик киритилмаган.
Бироқ Сирожиддин Медиа канали блогери буни қуйидагича изоҳлади:
Давлат ўзига катта зарар етказган ҳокимни озод қилади, лекин блогерни 1 миллион сўм учун ҳам қамаб қўяди, — деб ёзади у.
Эслатиб ўтамиз, бир йил аввал мансаб ваколатини суиистеъмол қилиш ва мансабдор шахсларга бепарволик қилишда айбланиб судланган Андижон вилоятининг собиқ ҳокими Абдужаббор Эгамбердиевга нисбатан енгиллаштирилган жазо тайинланган эди. Ўзбекистон Олий суди матбуот котиби Азиз Абидов собиқ ҳоким оқлангани ҳақидаги маълумотни рад этган. Айни пайтда Эгамбердиев пробация гуруҳида ҳисобга олиниб, ахлоқ тузатиш ишлари тарзидаги суд қарорини ижро этяпти.
Бундан ташқари, Урганчнинг собиқ ҳокими Шуҳрат Абдуллаев 2023 йил июлида уч йилга озодликдан маҳрум этилган. Хива вилоят суди уни ҳужжатларни қалбакилаштириш ва ер участкалари беришда қонун ҳужжатларини бузганликда айбдор деб топган. Шунингдек, Абдуллаевга икки йил давомида раҳбарлик лавозимларида ишлаш ва бошқармаларда ишлаш тақиқланди. Бироқ у икки ойдан кейин озод қилинди.
