Тошкент шаҳар ИИББ Йўл ҳаракати хавфсизлиги бошқармаси матбуот хизматининг хабар беришича, 25 март куни соат 00:10 да Чилонзор туманидаги Кичик ҳалқа йўли кўчасида тўртта автомобиль тўқнашиб кетган. BMW автомобили аввал Matizʼга, кейин Kiaʼга, кейин эса Киа худди шу йўналишда кетаётган Malibuʼга бориб урилган.
Ҳодиса оқибатида BMW автомашинасининг ҳайдовчиси ва унинг уч нафар йўловчиси, шунингдек, Kia автомашинасининг ҳайдовчиси ва йўловчиси жабрланган. Шифокорлар жароҳатланганларга биринчи тиббий ёрдам кўрсатган.
Бахтсиз ҳодисага BMWʼнинг юқори тезликда ҳаракатлангани сабаб бўлгани тахмин қилинмоқда.
