Вазирлар Маҳкамасининг қарори билан метан учун белгиланган энг юқори чакана нархнинг амал қилиш муддати узайтирилди. Бу ҳақда Энергетика вазирлиги матбуот хизмати хабар берди.
Қайд этилишича, 2024 йилнинг 1 июнига қадар ёнилғи қуйиш шохобчаларида сотиладиган табиий газнинг максимал чакана нархи бир кубометр учун 3350 сўм этиб белгиланди.
Яъни 1 апрелда якунланиши керак бўлган максимал чакана нарх муддати кичик ўзгаришлар билан яна икки ой давомида амал қилади (аввалги нарх 3250 сўм эди).
