2025 йил 1 январдан бошлаб қора ва рангли металларнинг парчалари ва чиқиндиларини сотиб олиш, қайта ишлаш ва сотиш, шунингдек, улгуржи ва чакана савдо тармоқларида табиий газ ва электр энергияси савдоси бўйича фаолиятни лицензиялаш тартибини жорий этиш режалаштирилмоқда.
Бундан ташқари, 2026 йил 1 январдан биржа савдоларида сотиб олинган катод ва мис таёғи кўринишидаги мис экспортига чекловларни бекор қилиш режалаштирилмоқда.
Ҳукуматга 2024 йил 1 сентябргача қуйидагилар назарда тутилган қарор лойиҳаси тақдим этилади:
2024 йил 1-октабрдан 2025 йил 1 апрелгача Ўзбекистонда темирйўл транспортида юк ташишда чегирмалар бериш амалиётини босқичма-босқич бекор қилиш;
темир йўл юкларини ташиш бўйича экспорт-импорт ташиш хизматлари тарифларини 2030 йилгача босқичма-босқич унификация қилиш.
