2017 йилдан буён агентлик директори ўринбосари лавозимида ишлаб келган Шуҳрат Ризаев Кинематография агентлигининг янги директори лавозимига тайинланди.
Бу лавозимда у Ислом цивилизацияси маркази директори этиб тайинланган Фирдавс Абдухолиқов ўрнини эгаллади.
Шуҳрат Ризаев 1958 йил 10 июлда Тошкент шаҳрида туғилган. Ўзбекистон Миллий университетининг филология факультетини тамомлаган. Маданият ва спорт ишлари вазирлиги, Ойбек музейи, Президент ва Вазирлар Маҳкамаси девони, Давлат ва жамият қурилиши академиясида ишлаган.
2017 йилда президент фармони билан «Дўстлик» ордени билан тақдирланган. 2021 йилда «Ўзбекистонда хизмат кўрсатган ёшлар мураббийси» фахрий унвонига сазовор бўлган.
