ҲАМАСнинг янги етакчиси Яҳё Синвар 16 октябрь куни Ғазо секторининг жанубида ўтказилган махсус операция натижасида ўлдирилди. Бу ҳақда Исроил мудофаа армияси (ЦАХАЛ) хабар берди.
«Бир йиллик саъй-ҳаракатлардан сўнг, 16 октябрь куни кечқурун ЦАХАЛ кучлари Ғазо сектори жанубида Жанубий қўмондонликдан ҲАМАС террорчи ташкилоти раҳбари Яҳё Синварни йўқ қилди. Синвар 7 октябрь куни даҳшатли ҳужумни режалаштирган ва амалга оширган, «Темир қиличлар» уруши пайтида ва ундан олдин ўзининг террористик мафкурасини тарғиб қилган ва кўплаб исроилликларни ва ўнлаб бошқа мамлакатларнинг фуқароларини ўлдириш ва ўғирлаш учун бевосита жавобгар», — дейилади ЦАХАЛ хабарида.
Ўтган йили ва сўнгги бир неча ҳафта ичида ЦАХАЛ ва ШАБАК томонидан у ўлдирилган ҳудудда ўтказилган ўнлаб операциялар Исроил хавфсизлик кучлари томонидан таъқиб қилинган Яҳё Синварнинг фаолият соҳасини қисқартирди ва унинг тугатилишига олиб келди, дейилади хабарда.
«Бу ҳудудда ҳаракат қилган 828-бригада аскарлари уч террорчини таниб, йўқ қилган. Жасадни таниб олиш жараёни якунлангач, энди Яҳё Синварнинг ўлдирилгани расман тасдиқланиши мумкин», — дейилади хабарда.
Синвар жорий йилнинг август ойида Теҳрондаги портлашда ташкилотнинг собиқ раҳбари Исмоил Хания ҳалок бўлганидан кейин ҲАМАС сиёсий бюросига раҳбарлик қилди. Бунгача Синвар ҲАМАСнинг Ғазо секторидаги сиёсий бюросига раҳбарлик қилган.
