Илгари Экология қўмитасига раҳбарлик қилган Нарзулло Обломуродов Тошкент давлат аграр университети ректори этиб тайинланди.
Обломуродов 1996 йилда Тошкент Жаҳон иқтисодиёти ва дипломатия университетини тамомлаган, 2000 йилда Бирмингем университетида (Буюк Британия) таҳсил олган. У иқтисодчи олим, иқтисод фанлари номзоди ва доцент.
2021 йилда Нарзулло Обломуродов Ўзбекистон Экологик партиясидан президентликка номзодини қўйиб, сайловда 4,1 фоиз овоз олган эди. 2024 йил июнь ойида Тошкент давлат аграр университетининг ўқув ишлари бўйича проректори этиб тайинланган.
