Fargʻona viloyatining Kalinin massividagi avtomobillarga gaz quyish shoxobchasida yongʻin sodir boʻldi, deb xabar berdi viloyat Favqulodda vaziyatlar boshqarmasi matbuot xizmati.
Guvohlarning aytishicha, oltita avtomobil yonib ketgan. Hozirda yongʻin qurshab olingan, vaziyat nazoratga olingan.
Jabrlanganlar haqida hozircha maʼlumot yoʻq, biroq tarmoqlarda yongʻin oʻchiruvchilar yetib kelgunga qadar vahimaga tushgan guvohlar yonayotgan odamlarni oʻchirishga uringan lavhalar paydo boʻldi.
