Toshkent viloyatida 1-fevraldan issiqlik ta’minoti korxonalarining isitish va issiq suv ta’minoti uchun tariflari oshiriladi. Bu haqda viloyat hokimligi xabar berdi.
Xalq deputatlari viloyat Kengashi 6 yanvar kuni yangi stavkalarni tasdiqladi. Qarorda ta’kidlanishicha, qaror hududdagi issiqlik korxonalari tomonidan taqdim etilgan xulosalar asosida qabul qilingan.
Viloyat “Issiqlik manbai” ishlab chiqarish boshqarmasidan xizmatlar oluvchi iste’molchilar uchun xizmatlar narxi:
aholi uchun - 93 464 so‘m/Gkal (ilgari 81 312 so‘m);
budjet tashkilotlari uchun - 560 000 so‘m/Gkal (140 218,8);
boshqa ulgurji tashkilotlar uchun - 358 400 so‘m/Gkal (140 218,8).
Chirchiq shahridagi “Issiqlik energiyasi” ishlab chiqarish korxonasidan xizmatlar oluvchi iste’molchilar uchun xizmatlar qiymati:
aholi uchun - 101 301,2 so‘m/Gkal (ilgari 88 088 so‘m);
byudjet va ulgurji tashkilotlar uchun - 568 960 so‘m/Gkal (136 416).
Shuningdek, “Angren issiqlik energiyasi” DUK va “Olmaliq issiqlik manbai” MCHJ tomonidan iste’molchilarga ko‘rsatiladigan xizmatlar narxi ham o‘zgaradi.
