Uzbekistan Airways aviakompaniyasi 19-yanvarga moʻljallangan Toshkentdan Moskvaga HY601 reysi jadvaliga oʻzgartirish kiritdi. Bu haqda aviakompaniya matbuot xizmati maʼlum qildi.
UzAirways maʼlumotiga koʻra, bu chora samolyotning kechikib kelishi bilan bogʻliq.
Parvoz mahalliy vaqt bilan soat 21:00 ga rejalashtirilgan, samolyot Moskva vaqti bilan soat 23:20 da belgilangan manzilga yetib boradi.
Qaytish yoʻnalishida (HY602 reysi) samolyot Moskvadan soat 00:30 da uchib ketadi va Toshkent vaqti bilan soat 06:20 da qoʻnadi.
