Xalqaro dzyudo federatsiyasi (IJF) 2024-yil yakunlarini sarhisob qilib, mavsumning eng yaxshi sportchilarini aniqladi, deb xabar berdi Milliy olimpiya qoʻmitasi matbuot xizmati.
Parij Olimpiadasida Diyora Keldiyorovaning Utoy Abe ustidan qozongan gʻalabasi dzyudo olamida yilning eng muhim voqeasi sifatida eʼtirof etildi. Uning shaxsiy murabbiyi Marko Shpitka ayollar terma jamoalari orasida eng yaxshi murabbiy unvoniga sazovor boʻldi.
Avvalroq Keldiyorova yilning eng yaxshi dzyudochisi unvoniga daʼvogarlar qatoridan joy olgan edi.
Ayni paytda oʻzbekistonlik Olimpiya chempioni tatamiga qaytishni rejalashtirmayapti — sportchi 2024-yilgi Olimpiadaga tayyorgarlik koʻrish jarayonida olgan jarohatlaridan soʻng tiklanish uchun tanaffusga chiqdi.
