General Motors kompaniyasi Misrdagi zavodda yangilangan Chevrolet Optra 2025 sedanini ishlab chiqarishni boshlaganini eʼlon qildi. Avtomobil mahalliy bozor uchun moʻljallangan boʻlib, uning boshlangʻich narxi 14 500 dollarni tashkil etadi.
Yangi Optra 98 ot kuchiga ega 1,5 litrli toʻrt silindrli dvigatel bilan jihozlangan. Xaridorlarga tanlash uchun ikkita uzatmalar qutisi taklif etilgan: olti pogʻonali mexanik uzatmalar qutisi yoki CVT.
Model ikkita komplektatsiyada taqdim etilgan: bazaviy va LT. Standart jihozlarga elektr yuritmali koʻzgular, LED orqa chiroqlar va 15 dyuymli poʻlat disklar kiradi. LT (Luxury Touring) versiyasi qoʻshimcha ravishda yengil qotishmali disklar, LED kunduzgi chiroqlar, tumanga qarshi old faralar, avtomatik iqlim nazorati va zamonaviy kulrang-qora intererni taklif qiladi.
Ikkala versiya ham Android Auto va Apple CarPlay tomonidan qoʻllab-quvvatlanadigan multimedia tizimining 8 dyuymli sensorli displeyi bilan jihozlangan.
Texnik xususiyatlariga koʻra, Chevrolet Optra 2025 Chevrolet Aveo modeliga oʻxshaydi.
