Oʻzbekiston prezidenti matbuot kotibi Sherzod Asadov prezident administratsiyasida (PA) shtatlar qisqartirilishi haqidagi mish-mishlarga izoh berdi.
Sherzod Asadovning soʻzlariga koʻra, shtatlarni optimallashtirish barcha darajadagi davlat hokimiyati va boshqaruvi organlarida - Prezident Administratsiyasidan tortib quyi idoralargacha doimiy jarayon hisoblanadi.
“Bundan koʻzlangan asosiy maqsad — bir-birini takrorlovchi funksiyalarni qisqartirish, davlat boshqaruvi tizimi va davlat xizmatchilarining faoliyati samaradorligini oshirish, barcha idoralarda b yudjet mablagʻlaridan oqilona va tejamkorlik bilan foydalanishni taʼminlash”, — dedi u.
Matbuot kotibi OAV, blogerlar va ijtimoiy tarmoq foydalanuvchilaridan ushbu mavzuga oid maʼlumotlarni tarqatishda faqat rasmiy manbalarga tayanishlarini soʻradi.
