Samarqandda noqonuniy mayning faoliyati davomida energiya resurslarini talon-toroj qilish holatlarini aniqlashga qaratilgan nazorat tadbirlari davom etmoqda. Bu haqda Bosh prokuratura matbuot xizmati xabar bermoqda.
Aniqlanishicha, “S.M.” oilaviy korxonasi rahbari A.I. va mebel sexi ustasi A.N. oʻzboshimchalik bilan sexni elektr tarmogʻiga ulab, mayning bilan shugʻullangan.
Natijada 1,8 mlrd soʻmlik elektr energiyasi talon-toroj qilingan.
Mazkur holat yuzasidan A.I. va A.N.ga nisbatan Jinoyat kodeksining 169-moddasi (Oʻgʻrilik) 4-qismi “a” bandi bilan jinoyat ishi qoʻzgʻatilgan.
