Toshkentdagi 71-maktabda terrorchilik tahdidi tufayli xavfsizlik choralari kuchaytirildi.
Nomaʼlum shaxs taʼlim muassasasi minalashtirilishi mumkinligini maʼlum qilib, “qonli jang” uyushtirishga vaʼda bergan. Shu sababli ertalabdan boshlab barcha oʻquvchilar metall aniqlagichlar yordamida tekshirildi.
Ota-onalar bu xabarni maktab oʻquvchilaridan biri qoldirgan boʻlishi mumkin deb taxmin qilishdi. Shunday boʻlsada, maktab maʼmuriyati qoʻriqlash tizimini yanada kuchaytirdi.
Milliy gvardiya hodisa haqidagi maʼlumotni tasdiqladi. Ularning fikricha, bu voqea katta ehtimol bilan nazorat ishi oldidan oʻquvchilarning hazili boʻlishi mumkin.
