Shavkat Mirziyoyev Korrupsiyaga qarshi kurashish milliy kengashi yig‘ilishida favqulodda vaziyatlar vaziri Abdulla Qo‘ldoshev va uning o‘rinbosarlari iste’fosi sababini ma’lum qildi.
Davlat rahbarining so‘zlariga ko‘ra, FVV rahbariyati byurokratiya kuchaygani va obyektlarni qurish va qabul qilishda yong‘in xavfsizligi qoidalarini buzgani uchun ishdan bo‘shatilgan.
2025 yil fevral oyi oxirida 2022 yil martidan buyon FVV rahbari lavozimida ishlab kelgan Abdulla Qo‘ldoshev iste’foga chiqarilib, uning o‘rniga 2022 yil noyabridan buyon O‘zbekiston bosh prokurorining o‘rinbosari - harbiy prokurori lavozimida ishlab kelgan Botir Qudratxo‘jayev tayinlangandi.
