2025-yil yanvar oyida O‘zbekistonda 25,5 mingta ko‘chmas mulk oldi-sotdi bitimi ro‘yxatga olindi. Bu haqda Iqtisodiy tadqiqotlar va islohotlar markazi ma’lumot berdi.
Ushbu ko‘rsatkich o‘tgan yilning shu davriga nisbatan 17,4 foizga yuqori. Yil boshidan beri respublikaning turli hududlarida ko‘chmas mulk savdosi ijobiy sur’atda o‘sib bormoqda.
Eng sezilarli o‘sish Jizzax viloyatida kuzatildi, bu yerda sotuvlar 44 foizga, Navoiy viloyatida esa 36 foizga ko‘paydi. Shu bilan birga, Toshkent shahrida faollik 18 foizga oshdi.
