Тошкент-Андижон йўналишидаги пуллик автомобиль йўлининг нархи 4,65 млрд АҚШ долларига баҳоланмоқда. Бу ҳақда 2 май куни Тошкент халқаро инвестиция форумида транспорт вазири ўринбосари Жасурбек Чориев маълум қилди.
Инфратузилмавий инвестиция лойиҳаларига бағишланган панель сессиясида сўзга чиққан Транспорт вазирлиги раҳбари ўринбосари пуллик автомобиль йўли лойиҳаси бўйича ишлар якунланиш босқичида эканлигини айтди. Унинг сўзларига кўра, июнь ойи охиригача лойиҳанинг техник-иқтисодий асосларини тайёрлаш режалаштирилган.
Чориев пойтахт ва Фарғона водийси вилоятларини боғлайдиган йўлнинг умумий узунлиги 314 километрни ташкил этишини таъкидлади.
