Тошкентнинг учта туманида электр энергияси вақтинчалик ўчирилади. Ўчириш режалаштирилган техник ишлар туфайли содир бўлади.
Мутахассислар ишларни 12 август куни амалга оширишни режалаштирмоқда. Қуйидаги ҳудудлар электр таъминотисиз қолади:
Учтепа тумани — соат 11:00 дан 18:00 гача. «Кўкча Оқтепа», «Нишаб ариқ», «А. Қодирий», «Журжоний», «Шарқ гули», «Қорёғди», «Истироҳат», «Дегрез», «Хондамир», «Ибрат», «Бешқайрағоч» ва «Жарбулоқ» маҳаллалари;
Мирзо Улуғбек тумани — соат 10:00 дан 16:00 гача. Иш «Темур Малик» маҳалласида бўлиб ўтади;
Бектемир тумани — соат 10:00 дан 18:00 гача. Ўчириш «Мусаффо» маҳалласига таъсир қилади.
