Тошкентда экология инспекторлари «Чинобод» санаторияси ҳудудида ҳужжатсиз қафасда сақланаётган тўртта оқ лайлакни аниқлади.
Бу ҳақда ижтимоий тармоқлар орқали маълумот келиб тушган ва Юнусобод тумани ходимлари бу хабарга тезда муносабат билдиришган.
Қоидабузар Ўзбекистон Республикаси Маъмурий жавобгарлик тўғрисидаги кодексининг 90-моддаси билан маъмурий жавобгарликка тортилган. Қушлар олиб қўйилиб, Тошкент ҳайвонот боғига топширилди ва у ерда муносиб парвариш қилинади.
Экология бошқармаси фуқароларга ҳайвонларни сақлаш қоидаларига риоя қилиш ва қонунбузарликлар ҳақида ваколатли органларга хабар бериш муҳимлигини эслатди.
