Ливаннинг «Ҳизбуллоҳ» террористик ҳарбийлаштирилган тузилмаси Наим Қосимни янги раҳбар сифатида таништирди. У бу лавозимда бир ой олдин вафот этган Ҳасан Насруллоҳ ўрнини эгаллайди, деб хабар бермоқда Associated Press.
Наим Қосим — таниқли шиа диний арбоби ва сиёсатчиси, узоқ вақт Насруллоҳнинг ўринбосари бўлган. У «Ҳизбуллоҳ» мафкурасининг содиқ издоши ҳисобланади ва экспертларнинг фикрига кўра, ўзидан олдинги сиёсатнинг давомчиси ҳисобланади.
«Биз узил-кесил ғалабага эришилмагунча Ҳасан Насруллоҳ томонидан белгиланган йўлдан боришга ваъда берамиз», — дея таъкидлади гуруҳ вакиллари.
Эслатиб ўтамиз, 4 октябрга ўтар кечаси Байрутда Исроил ҳарбийлари томонидан уюштирилган ҳаво ҳужуми оқибатида ОАВ хабарларига кўра, «Ҳизбуллоҳ»ни ўттиз йилдан ортиқ бошқарган Ҳасан Насруллоҳнинг вориси бўлиши керак бўлган Ҳошим Сафий ад-Дин ҳалок бўлганди.
