TechCrunch портали компания вакилларига асосланиб хабар беришича, Instagram фойдаланувчиларга тавсия алгоритмларини қайта ўрнатиш имконини берувчи янги функцияни синаб кўрмоқда.
Бу имконият илгари қизиқишларига мос келган контентга энди қизиқмай қолган фойдаланувчилар учун мўлжалланган. Масалан, фойдаланувчи аввал таом рецептларига қизиқиши мумкин эди, лекин энди бошқа мавзуларни кўришни хоҳлайди.
Тавсияларни қайта ўрнатиш асосий лента, Explore саҳифаси ва Reels бўлимига татбиқ этилади. Шу билан бирга, алгоритмлар аккаунтлар билан олдинги ўзаро муносабатлар тарихини ҳисобга олишни тўхтатади.
