2030 va 2034-yilgi futbol boʻyicha jahon chempionatlarining yakuniy bosqichlariga mezbonlik qiladigan mamlakatlar belgilandi.
11-dekabr kuni Syurixda boʻlib oʻtgan FIFAning favqulodda kongressida 2030-yilgi futbol boʻyicha jahon chempionatining asosiy tashkilotchilari Ispaniya, Portugaliya va Marokash boʻlishi maʼlum qilindi. Bundan tashqari, ayrim oʻyinlar Argentina, Paragvay va Urugvayda oʻtkaziladi.
2034-yilgi futbol boʻyicha jahon chempionatiga Saudiya Arabistoni mezbonlik qiladi. Mamlakat turnirni oʻtkazish uchun yagona nomzod edi. Yozning juda issiq boʻlishi sababli musobaqa qishda oʻtkaziladi.
Taʼkidlash joizki, 2026-yilgi futbol boʻyicha jahon chempionati AQSH, Kanada va Meksikada boʻlib oʻtadi. Yevropa saralash musobaqasining qurʼasi 13-dekabr kuni tashlandi.
