Oʻzbekiston futbol klublari futbolchilar va murabbiylar oldidagi qarzlarni toʻlashga majbur boʻldi.
Oʻzbekiston futbol assotsiatsiyasi Futbolchilar maqomi va oʻtishi qoʻmitasi FIFA sanksiyalaridan qochish maqsadida klublarning shartnoma majburiyatlariga rioya qilishini oʻrganib chiqdi. Maʼlum boʻlishicha, “Navbahor lochinlari” jamoasi murabbiy, asosiy va ayollar tarkibidagi futbolchilar hamda futzal jamoasi aʼzolari oldida qarzdor boʻlib qolgan.
“Neftchi” klubi asosiy va ayollar tarkibi futbolchilariga, “Soʻgʻdiyona” esa oʻz jamoasi futbolchilariga pul toʻlamagan. Bundan tashqari, “Soʻgʻdiyona” “Lokomotiv” bilan transfer shartnomasi boʻyicha hisob-kitob qilmagan.
Birinchi ligada ishtirok etuvchi “Jizzax zvezda Boʻston” klubi bir necha oydan buyon futbolchilariga maosh toʻlamayapti.
Qoʻmita barcha klublarga 14-fevralga qadar qarzlarni toʻlash majburiyatini yukladi.
