Bortida 10 kishi, jumladan uchuvchi boʻlgan Bering Air aviakompaniyasining yoʻqolgan samolyoti Nom shahri (Alyaska shtati) yaqinidagi dengiz muzidan topildi. Barcha yoʻlovchilar va ekipaj halok boʻldi, deb xabar bermoqda Associated Press.
Kichkina shahar atrofiga moʻljallangan samolyot Unanaklitdan Bering dengizidagi Norton Sound koʻrfazini kesib oʻtib, Nomga yoʻl oldi. U 6-fevral kuni Moskva vaqti bilan soat 4 atrofida (mahalliy vaqt bilan 14:37) havoga koʻtarilgan, biroq ekipaj bilan aloqa oʻsha kuni kechqurun, manzildan taxminan 48 kilometr janubi-sharqda uzilgan. Bu vaqtda hududda tuman va qor yogʻishi kuzatilgan.
Radiolokatsion tahlil maʼlumotlariga koʻra, samolyot toʻsatdan tezlik va balandlikni yoʻqotdi. Uning qoldiqlari 7-fevral kuni Nomdan 55 kilometr uzoqlikda topilgan. AQSH qirgʻoq qoʻriqlash xizmati uchta jasadni topdi, yana yettitasi vayronalar ichida qolgani taxmin qilinmoqda, ularni topish hozircha imkonsiz. Halok boʻlganlarning qarindoshlariga voqea haqida xabar berilgan.
