Oʻzbekiston harbiy sudi chorshanba kuni prezident administratsiyasining sobiq xodimi Komil Allamjonovga suiqasd qilish ishi boʻyicha ayblanayotgan 10 kishiga nisbatan hukm chiqardi. Bu haqda Oliy sud matbuot xizmati xabar berdi.
Hukmga koʻra:
Prezident davlat xavfsizlik xizmatining oʻz xavfsizligi boshqarmasi sobiq boshligʻi Shuhrat Rasulov 23 yilga qamaldi;
Janubiy Koreyadan ekstraditsiya qilingan Javlon Yunusov 18 yilga ozodlikdan mahrum etildi;
Shohrux Ahmedov 23 yillik qamoq jazosini oldi, ilgari uning shaxsi ommaviy axborot vositalarida Javlon Yunusov va Turkiyadagi kollektorlik faoliyati bilan bogʻlangan;
Ismoil Jahongirov 23 yilga ozodlikdan mahrum etildi;
Toshkent shahar IIBB boshligʻining sobiq birinchi oʻrinbosari Doniyor Toshxoʻjayev 7 yilga ozodlikdan mahrum etildi.
Qolgan 5 nafar sudlanuvchiga ham “qilmishiga muvofiq” ozodlikdan mahrum qilish jazosi tayinlandi.
Eslatib oʻtamiz, 26-oktyabr kuni Oʻzbekiston prokuraturasi mamlakatning Toshkent viloyatida ikki nomaʼlum shaxs Range Rover avtomobilini oʻqqa tutgani haqida xabar bergandi. Mashinada Oʻzbekiston prezidenti administratsiyasi axborot siyosati departamentining sobiq rahbari Komil Allamjonov boʻlgan.
Keyinchalik matbuotda qandaydir “chechen izi” haqida mish-mishlar tarqalgan.
Checheniston rahbari Ramzan Qodirov Oʻzbekistonda sobiq amaldor oʻtirgan avtomobil oʻqqa tutilishida “chechen izi” borligi haqidagi daʼvolarni asossiz deb atadi.
