Markaziy bank maʼlumotlariga koʻra, 2024-yil yakuniga koʻra milliy valyutada rasmiylashtirilgan mikroqarzlar va mikrokreditlar berish hajmi ikki baravardan koʻproqqa oshgan.
Yanvar-dekabr oylarida fuqarolar 45,83 trln soʻmlik mikroqarz oldi, bu oʻtgan yilning shu davriga nisbatan 59,44 foizga koʻpdir. Oylik eng yuqori koʻrsatkichlar 2024-yil oxiriga toʻgʻri keldi. Dekabr oyida mikroqarzlar berish mutlaq rekord oʻrnatdi — 5,1 trln soʻmdan ortiq.
Oʻz navbatida, oʻtgan yili mikrokreditlash 52,91 foizga — 11,37 trln soʻmdan 17,4 trln soʻmgacha oshdi. Aholiga eng koʻp mikrokreditlar iyun va oktyabr oylarida berilgan (1,8 trln soʻmdan ortiq).
Toʻrtinchi chorakda mikrokreditlar ajratish 2023-yilning mos davriga nisbatan tezlashdi (+75,74%), mikrokreditlarning oʻsish surʼati sezilarli darajada sekinlashdi (+30,55%).
