Oʻzbekistonda yil boshidan buyon 327 mlrd soʻmlik gazdan noqonuniy foydalanildi

O‘zbekiston

Oʻzbekistonda yil boshidan buyon 133 million kub metrdan ortiq tabiiy gazdan noqonuniy foydalanilgan. Shu bilan birga, davlatga 327 milliard soʻmdan ortiq zarar yetkazilgan. Bu resurslar qish mavsumida 266 ming 170 ta xonadonning bir oylik isteʼmoliga yetardi.

Oʻzbekistonda 167 ta holatda noqonuniy gaz isteʼmoli aniqlanib, 82,16 mln kub metr yoqilgʻidan asossiz foydalanilgan va davlatga 210,43 mlrd soʻm zarar yetkazilgan.

“Hududgaztaʼminot” AJ maʼlumotlariga koʻra, shu davrda 6472 ta noqonuniy gaz isteʼmoli holatlari aniqlanib, 50,89 mln kub metr yoqilgʻi uchun 117,3 mlrd soʻm qayta hisob-kitob qilingan.

Shuningdek, koʻrsatilgan davrda 4942 ta maishiy ballondagi 77,8 tonna (36 ming kub metr) suyultirilgan gazning noqonuniy savdosi oldi olindi.

Noqonuniy foydalanilgan tabiiy gazning umumiy hajmi 266 ming 170 ta xonadonning qish mavsumidagi bir oylik isteʼmoliga teng. Bu resurslar metan zapravkalarning 10 kun davomida uzluksiz ishlashiga ham yetadi.

Muhim yangiliklarni oʻtkazib yubormang!

Asosiy voqealardan birinchi boʻlib xabar topish uchun Telegram kanalimizga obuna boʻling.