17-mart kuni Toshkent viloyatida ikki yuk mashinasi to‘qnashib, dahshatli YTH sodir bo‘ldi. Viloyat IIB qo‘shimcha ma’lumot berdi.
Hodisa Piskent tumanida Toshkent-Bekobod avtomobil yo‘lida sodir bo‘lgan. Yuk mashinasi haydovchisi rulda uxlab qolgan, shu sababli avtomobil qarama-qarshi yo‘nalishga chiqib ketgan va Isuzu bilan to‘qnashgan. Ikkala mashina ham yo‘ldan chiqib ketdi.
Hodisa oqibatida yuk mashinasi haydovchisi va yo‘lovchisi voqea joyida vafot etgan. Jabrlanganlar kasalxonaga yotqizilgan, ularning aniq soni ma’lum qilinmagan. Tergov harakatlari olib borilmoqda.
Eslatib o‘tamiz, Toshkent viloyati yo‘llarida piyodalarning nur qaytaruvchi maketlari paydo bo‘ladi.
