9 ноябрь куни Тошкент шаҳар ҳокимлиги экоблогер Мўътабар Хушвақтова (Ўрикгули) билан ҳамкорликда «Хазон чиқинди эмас, ўғит!» акциясини ўтказмоқда. Ушбу акция шаҳар аҳолисини тўкилган баргларни ёқишдан воз кечиб, уларни табиий ўғит сифатида фойдаланишга ундашга қаратилган.
Сўнгги йилларда криптовалюталар, айниқса, биткоин электр энергиясининг кўп истеъмол қилиниши ва атроф-муҳитга салбий таъсири туфайли танқид остига олинди. «Взгляд.uz» майнингдаги замонавий «яшил» ёндашувларни таҳлил қилди.
Тошкентда «Яшил ўсиш ва барқарор туризм» сессияси бўлиб ўтди. «Ҳамкорлик ташаббуслари ҳафталиги» доирасида ташкил этилган сессияда экспертлар мамлакатнинг экология соҳасидаги саъй-ҳаракатлари ва «яшил» туризмни ривожлантириш бўйича халқаро ҳамкорликни муҳокама қилди.
Сенаторлар ноқонуний ов, балиқ овлаш ва ўсимликларга зарар етказганлик учун жавобгарликни кучайтирадиган қонун лойиҳасини маъқуллади. Янги чоралар ҳайвонот ва ўсимлик дунёсини муҳофаза қилиш соҳасидаги қоидабузарликлар учун катта жарималар ва озодликдан маҳрум қилишни ўз ичига олади.
Бразилиянинг Сан-Паулу шаҳридан бўлган 73 ёшли Элио да Силва ўнлаб турдаги қушларга бошпана бўлган яшил воҳани яратди. Эркак бу ерда тўхташни режалаштирмайди ва яна 10 минг туп дарахт экмоқчи. Бразилиялик ўз экологик ташаббусларини қўллаб-қувватлаш учун ҳар йили тахминан 7000 доллар сарфлайди.
Бухоро вилоятида сентябрь ва октябрь ойларида ўтказилган назорат рейдлари давомида саксовул билан боғлиқ 25 та қоидабузарлик ҳолати аниқланди. Ушбу нохуш ҳодисалар натижасида табиатга етказилган зарар қарийб 30 миллион сўмга етган.
Самарқандда фуқаро Қизил китобга киритилган Оқ бошли сипоҳни сотишга таклиф қилиб, атроф-муҳитни муҳофаза қилиш тўғрисидаги қонунни бузган. Вилоят экология бошқармаси ҳозирча ҳолат юзасидан изоҳ бергани йўқ.
Автомобиль йўлларини фото ва видео қайд этиш тизимлари билан жиҳозлаган тадбиркорлар энди экологик ҳуқуқбузарликларни ҳам қайд этиши ва улар ҳақида Давлат экология инспекциясига хабар бериши мумкин. Жарима муваффақиятли ундирилган тақдирда, тадбиркорлар жарима суммасининг 20 фоизи миқдорида рағбатлантирилади.
Тошкент вилояти экологлари вилоят прокуратураси ва ҳуқуқни муҳофаза қилувчи органлар билан ҳамкорликда Қуйи Чирчиқ тумани ҳудудидан оқиб ўтувчи Чирчиқ дарёсининг қўриқланадиган зонасида махсус техникалар ёрдамида қум-шағал аралашмаси ноқонуний қазиб олинаётганини аниқлади. Табиатга етказилган зарар 183 миллиард сўмдан ошди, жарима майдончасига махсус техникалар жойлаштирилди.
Андижон вилояти ҳокимлиги ва Хитойнинг Jin Ming энергетика компанияси ўртасида 250 млн долларлик инвестиция лойиҳаси бўйича меморандум имзоланди. Лойиҳага Андижон вилояти ҳудудида чиқиндиларни қайта ишлаш киради. Шунингдек, йиғилишда умумий қиймати 100 млн долларлик яна бешта истиқболли лойиҳа кўриб чиқилди.
Экология вазирлиги ҳузуридаги Атроф-муҳит ва табиатни муҳофаза қилиш технологиялари илмий-тадқиқот институтида кўчманчи йиртқич қушларни мониторинг қилиш лойиҳаси амалга оширилмоқда. Ўзбекистон ва Қозоғистонда «Марказий Осиёда йиртқич қушларни муҳофаза қилиш» лойиҳаси йўлга қўйилади.
Ёввойи ҳайвонларни кўпайтириш жойларини, кичик сафари парклар ва ов туризмини ташкил қилган овчилик хўжаликлари 3 йил муддат мобайнида мол-мулк ва ер солиғини 50 фоизга камайтирилган солиқ ставкалари бўйича, шунингдек, айланмадан олинадиган солиқни 1 фоиз миқдорида тўлайди.
Навоий вилояти Экология, атроф-муҳитни муҳофаза қилиш ва иқлим ўзгаришлари бошқармаси ходимлари «Яшил макон» умуммиллий лойиҳаси доирасида экилган дарахт ва бута кўчатлари ҳолатини ўрганди.
Иқлим ўзгариши миллий маркази раҳбари Суна Парк янги экологик барқарорлик рейтинги ва унинг йирик шаҳарлардаги вазиятга қандай таъсир қилиши ҳақида маълумот берди. Унинг сўзларига кўра, ҳатто машиналар тўхташ жойларини кўкаламзорлаштириш каби кичик қарорлар ҳам экологик вазиятни сезиларли даражада яхшилаши мумкин.
«Ўзгидромет» мутахассислари Тошкент каналлари ва сув омборларидаги сув сифатини ўрганди. 9 июль куни ер усти сувларидан намуналар олинди ва ифлосланиш индекси бўйича кимёвий ифлослантирувчи моддалар миқдори таҳлил қилинди.
Ўзбекистон шаҳарларининг экологик барқарорлиги рейтинги шакллантирилиб, Бухоро ва Самарқанд шаҳарларининг экологик бош режалари тақдим этилди.
Asosiy voqealardan birinchi boʻlib xabar topish uchun Telegram kanalimizga obuna boʻling.