Жозеп Боррель Европа Иттифоқи ташқи ишлар вазирларига Исроил билан сиёсий мулоқотни вақтинча тўхтатишга чақирган мактуб йўллади. Мулоқотни тўхтатиш масаласини 18-19 ноябрь кунлари вазирлар йиғилишида муҳокама қилиш режалаштирилган.
Европа Иттифоқи дипломатияси раҳбари Жозеп Боррелнинг айтишича, Яқин Шарқдаги вазият кескин нуқтага етган ва минтақа учун ҳам, бутун дунё учун ҳам ўта хавфли бўлиб қолган.
ЕИ давлатлари раҳбарлари Грузиянинг Европа Иттифоқига қўшилиш жараёни амалда тўхтатилганини эълон қилди. Брюсселнинг норозилигига аввалроқ қабул қилинган «Хорижий таъсирнинг шаффофлиги тўғрисида»ги қонун сабаб бўлди, уни Грузия мухолифати Россиянинг «хорижий агентлар» тўғрисидаги қонуни билан таққосламоқда.
Нидерландия бош вазири Марк Рютте НАТОнинг янги бош котиби бўлади. Унинг номзодини альянснинг барча аъзолари маъқуллаган. Бу лавозимда у Йенс Столтенберг ўрнини эгаллайди.
«Kreiss» йирик транспорт-логистика компанияси вакиллари Ўзбекистон томони билан музокаралар олиб бориб, Латвияга 600 нафар ҳайдовчи жалб этишга келишиб олди. Аввалроқ RTDD жамғармаси марказий осиёлик ҳайдовчилар, жумладан, Ўзбекистон фуқаролари Европа Иттифоқи мамлакатларида оммавий равишда эксплуатация қилинаётгани ва улар ваъда қилинганидан паст маош тўлаётгани ҳақида хабар берганди.
Ўзбекистон Европа Иттифоқи билан яқиндан ҳамкорлик қилади ва Латвияни логистика бўйича асосий ҳамкор сифатида танлайди. Латвия портлари орқали ўтувчи йўналиш Ўзбекистон–Европа савдо алоқаларини ривожлантиришда тобора муҳим аҳамият касб этмоқда.
Европа Иттифоқи Марказий Осиёда барқарор транспорт алоқаси учун €10 млрд сармоя киритиш бўйича қўшма баёнотни эълон қилди. Европа Комиссияси, шунингдек, Транскаспий транспорт коридорини қўллаб-қувватлаш бўйича Европа Иттифоқининг «Global Gateway» стратегияси доирасида минтақавий транспорт дастурини тайёрламоқда.
Европа Иттифоқи кенгаши сунъий интеллектдан фойдаланишни тартибга солувчи дунёдаги биринчи қонунни маъқуллади. У таваккалчиликка асосланган ёндашувга асосланади — жамият учун хавф қанчалик юқори бўлса, қоидалар шунчалик қатъийлашади.
Европа Иттифоқи Тайвань мустақиллигини тан олмайди, деди ЕИнинг ташқи ва хавфсизлик сиёсати бўйича олий вакили Жозеп Боррель. Шу билан бирга, у ЕИ орол билан иқтисодий ва маданий алоқаларни ривожлантиришини қайд этди.
Asosiy voqealardan birinchi boʻlib xabar topish uchun Telegram kanalimizga obuna boʻling.