“Rosatom”ning shoʻba korxonasi — Uranium One Qozogʻistondagi uran loyihalari ulushlarini sotmoqda. Shu tariqa, “Rosatom” Qozogʻiston konlarida uran qazib olishdagi ishtirokini qisqartirmoqda. Asosiy xaridorlar Xitoyning davlat yadro korporatsiyalari bilan bogʻliq kompaniyalar boʻldi.
17-dekabr kuni Davlat dumasi ayrim tashkilotlarni Rossiyada terroristik va taqiqlangan tashkilotlar roʻyxatidan chiqarish imkonini beruvchi qonunni maʼqulladi. Hujjatga koʻra, terrorchilik tashkiloti maqomini olib tashlash bosh prokuror yoki uning oʻrinbosarining daʼvosi asosida sudning qaroriga koʻra amalga oshirilishi mumkin.
Davlat Dumasi Rostov shahrining nomini oʻzgartirish toʻgʻrisidagi qonunni tasdiqladi. Qaror 17-dekabr kuni boʻlib oʻtgan yigʻilishda ikkinchi va uchinchi oʻqishda qabul qilindi. Taʼkidlanishicha, yangi nom shaharning tarixiy ahamiyatini aks ettiradi.
Oʻzbekiston 2024-yilning dastlabki 10 oyida Rossiyaga toʻgʻridan-toʻgʻri meva-sabzavot eksportini rekord darajada oshirdi. Xususan, Oʻzbekiston xorijga qiymati $1,235 mlrd boʻlgan 1,7 mln tonnaga yaqin meva-sabzavot mahsulotlarini yetkazib berdi.
Ota-ona qaramogʻidan mahrum boʻlgan 15 nafar bola Rossiyadan Oʻzbekistonga qaytib keldi. Bolalarni repatriatsiya qilish Ijtimoiy himoya milliy agentligi koʻmagida amalga oshirildi.
SberDevices Rossiyaning ilk aqlli uzugini taqdim etdi. Yangi qurilma fitnes-treker vazifasini bajarib, salomatlikning asosiy koʻrsatkichlarini: yurak urish tezligi, tana harorati va qondagi kislorod miqdorini oʻlchaydi. Ixcham shakli maʼlumotlar aniqligini taʼminlaydi, GigaChat MAX sunʼiy intellekt tizimi esa toʻplangan maʼlumotlarni qayta ishlaydi. Sotuvlar kelasi yil boshida yoʻlga qoʻyiladi.
Oʻzbekiston va Boshqirdiston oʻrtasidagi savdo aylanmasi 29 foizga oʻsdi. Oʻzbekiston Respublikasi savdo-iqtisodiy hamkorlik boʻyicha eng yaxshi oʻntalikka kiradi.
Vengriya bosh vaziri Viktor Orban Rossiya va Ukrainaga asirlarni ayirboshlash va Rojdestvoda oʻt ochishni toʻxtatishni taklif etdi. Biroq Ukraina Rossiya bilan tinchlik kelishuvini qoʻllab-quvvatlamasligini aytib, taklifni rad etdi. Orban oʻzining umidi puchga chiqqanini bildirdi va Vengriya bu taklifni amalga oshirish uchun barcha imkoniyatlardan foydalanganini taʼkidladi.
FXX Markaziy Osiyolik muhojirlarni Rossiyada yacheykalar tashkil etish uchun yollayotgan terroristik tashkilotlar faollashganini bildirdi. Rossiya hukumati vakillarining aytishicha, Gʻarb maxsus xizmatlari mamlakatdagi vaziyatni beqarorlashtirish, noroziliklar va etnik mojarolarni keltirib chiqarish maqsadida migratsiyadan foydalanmoqda.
Rossiyaning muhim aktivlari hisoblangan Tartus va Xmeymimdagi harbiy bazalari zaif ahvolda qoldi. Suriyada hokimiyat tepasiga kelgan “Hayʼat Tahrir ash-Shom” guruhi avvalgi tuzumning xorijiy ittifoqchilariga tanqidiy munosabatda. Kreml mintaqadagi harbiy ishtirokini saqlab qolish uchun yangi hokimiyat bilan kelishuvga erishishga harakat qilmoqda.
Rossiyada Davlat dumasi birinchi oʻqishda rus tilini bilish testidan oʻta olmagan migrantlarning farzandlarini maktabga qabul qilishni taqiqlovchi qonunni qabul qildi. Qonun 2025-yil 1-apreldan kuchga kirishi kutilmoqda.
“Milliy tiklanish” partiyasi rahbari Alisher Qodirov baʼzi rossiyalik siyosatchilarning Rossiya va Markaziy Osiyo mamlakatlari oʻrtasida viza rejimini joriy etish tashabbusini qoʻllab-quvvatlash zarurligini, shuningdek, Rossiyaga ishlash uchun borayotgan oʻzbekistonlik mehnat muhojirlariga qoʻyiladigan talablarni kuchaytirish kerakligini taʼkidladi.
Suriyadan agʻdarilgan prezident Bashar Asad Moskvada boʻlib, Rossiyada boshpana oldi. Avvalroq ayrim OAV u boʻlgan samolyot halokatga uchrashi mumkinligi haqida xabar bergandi.
2024-yilning yanvaridan oktyabrigacha Oʻzbekiston Rossiya shokolad mahsulotlari umumiy eksportining 12 foizini xarid qildi. Importchilar orasida Qozogʻiston 25 foizlik ulush bilan yetakchilikni saqlab qoldi, uchinchi oʻrinda esa 15 foizlik ulush bilan Belarus joylashdi.
The Diplomat jurnalistlarining fikricha, Olmaliq kon-metallurgiya kombinati asosiy kreditori — “Gazprombank”ka qarshi sanksiyalar joriy etilgandan soʻng moliyalashtirish topishda qiyinchiliklarga duch keladi. Qariyb 5 mlrd dollarlik “Yoshlik” konini kengaytirish loyihasi xavf ostida qolishi mumkin, chunki Rossiya banki bilan hamkorlik ikkilamchi sanksiyalarga olib kelishi ehtimoli bor.
Kanadaning HelloSafe tahliliy-moliyaviy platformasi reytingiga koʻra, Oʻzbekiston farovonlik boʻyicha dunyoda 86-oʻrinni egalladi. Markaziy Osiyoda faqat Qozogʻiston “yaxshiroq” yashaydi, u ham Rossiya, Belarus, Xitoy va Turkiyani ortda qoldirdi.
Asosiy voqealardan birinchi boʻlib xabar topish uchun Telegram kanalimizga obuna boʻling.