QRMTRA norezidentlar uchun kartalarning amal qilish muddatini bir yilgacha chekladi, tadbirkorlar, diplomatlar va investorlar bundan mustasno. Shuningdek, jinoiy faoliyatdan olingan daromadlarni legallashtirish va terrorizmni moliyalashtirish xavfini kamaytirish maqsadida bir kishiga to‘g‘ri keladigan bir bank kartalarining ruxsat etilgan soni 10 tadan 5 tagacha kamaytirildi.
2024-yilgi Olimpiya o‘yinlarining 100 dan ortiq bronza medallari nuqsonli deb topildi. Sportchilar medallarning yuzasi ko‘chib ketganidan shikoyat qilishmoqda, Parij zarbxonasi rahbarlari esa lavozimlaridan chetlashtirildi. Tashkilotchilar shikastlangan mukofotlarni almashtirib berishga va’da bermoqda.
AQSH Oliy sudi 19-yanvardan boshlab TikTokni taqiqlashi mumkin, bu esa ByteDance`ni yechim izlashga majbur qiladi. Xitoy hukumati platformaning Amerika bo‘linmasini Ilon Maskga sotishni ko‘rib chiqmoqda. Biroq TikTok bunday bitim imkoniyatini rad etib, mish-mishlarni uydirma demoqda.
Yaponiya Afg‘onistonda tibbiy xizmatlarni yaxshilash uchun 1,5 million dollar ajratdi. UNFPA`ning yangi loyihasi mamlakatning uchta provinsiyasidagi 60 mingdan ortiq ayollar, bolalar va qizlarni qamrab oladi. Tashabbus gumanitar inqiroz sharoitida sog‘liqni saqlashni qo‘llab-quvvatlash, ruhiy-ijtimoiy yordam ko‘rsatish va tibbiy infratuzilmani rivojlantirishga qaratilgan.
AQSHning saylangan prezidenti Rossiya yetakchisi bilan muzokaralar uning inauguratsiyasidan soʻng boshlanishini maʼlum qildi. Tramp Ukrainadagi urushning tugashi Putinning pozitsiyasiga bogʻliqligini taʼkidlab, mojaroni hal qilish uchun muloqotga tayyorligini taʼkidladi.
Shveysariya AQSH prezidenti Donald Tramp va Rossiya prezidenti Vladimir Putinning uchrashuvini tashkil etishga tayyor.
Turkiya prezidenti Rajab Toyyib Erdo‘g‘an prezidentlikka yana bir muddatga nomzod sifatida ko‘rsatilishi mumkinligiga yo‘l qo‘ydi. Mamlakat parlamenti 2027-yilning ikkinchi yarmida muddatidan oldin saylov o‘tkazish to‘g‘risida qaror qabul qiladi.
Tadqiqotchilar yarim asrdan ko‘proq vaqt davomida erkaklar uchun oral kontratseptivlar yaratish ustida ish olib bormoqdalar. Ijobiy natijalar haqida vaqti-vaqti bilan xabarlar bo‘lishiga qaramay, samarali dori vositasini yaratish hali uzoq.
Strasburg (Fransiya) markaziy vokzalida ikkita poyezd to‘qnashdi. Kamida 30 kishi jarohatlangani, ulardan 5 nafari og‘ir ahvolda ekani aytilmoqda.
Daniya Donald Trampni uning AQSH xavfsizligi borasidagi xavotirlarini Grenlandiya ustidan nazoratsiz ham chetlab o‘tish mumkinligiga ishontirishga urinmoqda. Rasmiylar harbiy ishtirokni kuchaytirish masalasini muhokama qilishga tayyor.
Neuralink yana bir bemorga miya chipini muvaffaqiyatli implantatsiya qilgani haqida xabar berdi. Bu Ilon Mask kompaniyasidan miya implantini olgan uchinchi odam. Hammasi bo‘lib ular 2025-yil oxirigacha 20 tadan 30 tagacha shunday tartib-taomillarni o‘tkazishni rejalashtirmoqda.
Vashington prezident Nikolas Maduroning hibsga olinishiga olib keladigan ma’lumotlar uchun rekord darajadagi mukofot taklif qilib, Venesuela rahbariyatiga bosimni kuchaytirdi. Amerika hukumati va boshqa bir qator davlatlar uning yaqinda inauguratsiyasini tan olmadi va 2024-yilgi saylov natijalari bahsli bo‘lib qolmoqda.
Angliya klubi “Lans” bilan 20 yoshli futbolchining o‘tishi bo‘yicha kelishuvga erishdi. Bitim summasi 40 million yevroni tashkil etadi va shartnoma 2029-yilgacha hisoblanadi. Yaqin vaqt ichida Husanov tibbiy ko‘rikdan o‘tadi, shundan so‘ng transfer yakunlanishi mumkin.
“Tolibon” G‘arb davlatlaridan 20 yillik urush davrida afg‘on qurbonlari uchun tovon to‘lashni talab qilmoqda. Tashkilot xorijiy harbiylar tomonidan ommaviy qoidabuzarliklar, shu jumladan tinch aholini maqsadli o‘ldirishlar sodir etilganini e’lon qiladi.
Anonim zobitning aytishicha, Britaniya maxsus kuchlari hech qanday tahdid tug‘dirmagan erkaklar va o‘smirlarni suddan tashqari qatl qilgan. Jinoyatlarni yashirish uchun ularga qurol tashlab, buni “janob Vulfning ishi” deb atashgan. Buyuk Britaniya hukumati o‘n yildan ko‘proq vaqt o‘tgach, taxmin qilingan harbiy jinoyatlarni tergov qilishni boshladi.
AQShning saylangan prezidenti Donald Tramp Rossiya prezidenti Vladimir Putin bilan uchrashuvini e’lon qildi. Siyosatchining ta’kidlashicha, hozirda tomonlar ushbu qabulga tayyorgarlik ko‘rmoqda.
Asosiy voqealardan birinchi boʻlib xabar topish uchun Telegram kanalimizga obuna boʻling.