20 yoshli o‘zbekistonlik himoyachi Abduqodir Husanov Fransiyaning “Lans”idan “Manchester Siti”ga o‘tadi. Klublar o‘rtasida kelishuvga erishilganini jurnalist Fabrisio Romano X (sobiq Twitter) ijtimoiy tarmog‘ida ma’lum qildi.
Manbalarga ko‘ra, “Lans” Husanovga ingliz klubida tibbiy ko‘rikdan o‘tishga ruxsat bergan. Agar tekshiruv muvaffaqiyatli o‘tsa, futbolchi 2029 yilgacha shartnoma imzolaydi. Transfer summasi 40 million yevroni tashkil etadi.
Eslatib o‘tamiz, avvalroq futbolchi Fransiyaning “Lans” klubida 2024-yilning eng yaxshi futbolchisi deb topilgandi.
U jamoa muxlislari o‘rtasida o‘tkazilgan so‘rov natijalariga ko‘ra tanlandi. Husanov 77 foiz ovoz oldi.
