2024 йилнинг январь-июнь ойларида Тошкент метрополитени кунига ўртача 724,5 минг кишини ташди. Йил давомида хизмат кўрсатилган йўловчиларнинг умумий сони қарийб 51 миллион кишига ошди.
Ўзбекистон давлат филармониясининг миллий симфоник оркестри бош дирижёри Алибек Кабдурахмоновга Ўзбекистонда хизмат кўрсатган артист унвони берилди.
2021 йилда Афғонистон Толибон томонидан эгаллаб олинганидан сўнг Ўзбекистонга жами 22 та ҳарбий самолёт ва 24 та ҳарбий вертолёт учиб келган. АҚШнинг Ўзбекистондаги элчиси Жонатан Хеник Америка томони уларни ниҳоят Тошкентга кўчиришга қарор қилганини тасдиқлади.
Agalarov Development компаниясига эгалик қилувчи хонанда ва тадбиркор Эмин Тошкентда премиум тоифадаги турар-жой мажмуасини қуради. Инвестиция лойиҳасининг қиймати 133 млн долларни ташкил этади. Қурилишнинг фаол босқичи сентябрь ойида бошланади.
Ўзбекистонда бир неча соқол қўйган эркак Маъмурий жавобгарлик тўғрисидаги кодексининг 184−4-моддаси бўйича жавобгарликка тортилган, унга кўра тиббий ниқоб таққан аёллар ҳам судланади. Фуқаролар ҳибсга олиш ва соқол олишдан бош тортган, шундан сўнг улар безориликда ва милиция ходимларининг «қонуний талаблари»га қарши чиққанликда айбланган.
Тошкентнинг Чилонзор туманидаги «Олтин маркази» яқинида Malibu ҳайдовчисига тўхташ жойи берилмади. Эркак дўстларига қўнғироқ қилиб чақириб, автотураргоҳ ходимига, шунингдек, бошқа қўриқчиларга ҳужум қилган. Ҳозирда гумонланувчилар қўлга олиниб, тергов ҳаракатлари олиб борилмоқда.
Электр энергияси, нефть маҳсулотлари ва газдан фойдаланишни назорат қилиш инспекцияси (Ўзэнергоинспекция) президент фармони билан Энергетика вазирлиги таркибидан чиқарилиб, Вазирлар Маҳкамаси тасарруфига ўтказилди. Инспекция мустақил республика органига айланади.
24 август куни Тошкент ҳавосидаги PM 2,5 майда зарралари сони ЖССТ томонидан тавсия этилган меъёрдан қарийб 5 баравар кўп бўлган ва «ўртача» деб тавсифланган.
Шаҳрисабзда ҳоким ёрдамчиси мансаб ваколатидан фойдаланиб, 1 млрд 173 млн сўм кредит маблағларини қонунга хилоф равишда ўзлаштирган. Мулозим тегишли ҳужжатларга электрон рақамли имзоларни сохталаштирган.
Тошкентда International Inclusive Hub очилди. Инклюзив ҳаб негизида имконияти чекланган ёшлар учун мослаштирилган истиқболли таълим ва касбга йўналтириш дастурлари ишга туширилади.
Ташқи меҳнат миграцияси агентлиги Россияга кетаётган Ўзбекистон фуқароларига мурожаат қилди. Юртдошлардан хавфсизлик талабларини инобатга олиш ва кириш тақиқларини текширишни унутмаслик сўралган.
Зангиота туманида ниқоб таққан аёл жаримага тортилди. У томоғида аллергия борлигини, кўча ва иш жойидаги чанг сабабли ниқоб тақишини айтган, бироқ суд жаримани 1,7 млн сўмгача юмшатган холос. Шуниси эътиборга лойиқки, иш фаолияти билан боғлиқ бўлса, юзни тўсиш мумкин.
Дам олиш кунлари Ўзбекистон бўйлаб қуруқ ва бироз булутли ҳаво давом этади.
Яшнобод туманида Исроил фуқароси 3 ойда уй қураман, деб фуқароларни алдаган. Фирибгар 57 кишига 9 та хонадонни сотиб, ватанига қочиб кетган.
Чеченистон спорт вазири Ахмат Қодиров Париж-2024 Олимпиадаси ғолибига айланган Разамбек Жамаловга хонадон ва 10 млн рубль совға қилди.
Жорий йилнинг январь-июль ойларида Cobalt яна Ўзбекистонда энг кўп ишлаб чиқарилган автомобилга айланди. UzAuto Motors етти ойда 84 758 дона кобальт ишлаб чиқарди, бу 2023 йилнинг шу даврига нисбатан 28 790 дона кўпдир.
Asosiy voqealardan birinchi boʻlib xabar topish uchun Telegram kanalimizga obuna boʻling.