Janubiy Koreya kompaniyasi Oʻzbekistonda tezyurar temiryoʻl qurilishi uchun texnik-iqtisodiy asoslash rejasini ishlab chiqmoqda. Tezyurar magistral loyihasi 2026-yil bahorigacha amalga oshirilishi rejalashtirilgan. Loyiha doirasida Janubiy Koreya tomoni temiryoʻl qurilishi sohasida oʻzining ilgʻor texnologiyalarini Oʻzbekistonga taqdim etish niyatida.
18-dekabr kuni Oʻzbekistonda kunduzgi vaqtda haroratning biroz pasayishi kutilmoqda. Qoraqalpogʻistonda qor yogʻishi mumkin.
Tarixda birinchi marta Xalqaro qilichbozlik federatsiyasi Bosh kotibi lavozimiga ayol kishi tayinlandi. Gulnora Saidova oʻz faoliyatini FIE tarkibida davom ettirib, Oʻzbekiston qilichbozlik federatsiyasida ham xuddi shunday pozitsiyadan maydonga tushadi.
Namanganda mamlakatdagi eng baland, boʻyi 43,4 metr boʻlgan archa oʻrnatildi. U attraksionlari va mehmonlar uchun bayramona dasturi bilan qishki ertaklar oʻrmoniga aylangan “Afsonalar vodiysi” bogʻining asosiy bezagiga aylandi.
Toshkentdagi “Halal Auto Leasing kompany” MCHJsi firibgarlikda gumonlanmoqda. Kompaniya “islomiy tamoyillar”ga tayanib, qulay shartlarda avtomobillar vaʼda qilgan, ammo koʻp oʻtmay faoliyatini toʻxtatgan. Jabrlanuvchilar millionlab mablagʻlaridan ayrilgan, firma rahbariyati esa tergov ostiga olingan.
Commonwealth Partnership ekspertlari Toshkentdagi ofis binolari uchun qaysi hudud istiqbolli boʻlishi mumkinligini aniqladilar. 2026-yil oxiriga kelib, ofis koʻchmas mulklari maydoni 76 000 m² ni tashkil etadi.
Surxondaryo viloyatida yangi turistik zonalar ochiladi. Turistik obyektlar faoliyatini boshqarish va muvofiqlashtirish uchun davlat muassasasi tashkil etiladi. Turistik markazlar hududlarida boʻsh turgan yer uchastkalarini sotish yoki ijaraga berish boʻyicha elektron onlayn-auksionlar oʻtkazish rejalashtirilmoqda.
Toshkent viloyatida Lion Park xususiy hayvonot bogʻida uchta sher qoʻriqchiga hujum qilib, uni oʻldirdi va jasadini tilka-pora qildi. Ikki yirtqichni trankvilizatorlar yordamida qafasga qaytarishga muvaffaq boʻlishdi, uchinchisini esa mahalliy ovchi otib tashlashga majbur boʻldi. Tergov boshlandi.
Ijtimoiy tarmoqlarda Fargʻona viloyatidagi avtomobillarga gaz quyish shoxobchasida yongʻin sodir boʻlayotgani aks etgan video tarqaldi. Guvohlarning xabar berishicha, oltita avtomobil yonib ketgan, kamida bir kishi halok boʻlgan.
“Samarkandskiy vestnik” gazetasi muharriri Facebookʼda Zarafshon milliy tabiat bogʻi ilmiy xodimi Aleksandra Zaslavskaya qoʻlga olingani haqida xabar berdi. Ayolni allaqachon uyiga qoʻyib yuborishgan, ammo hayvonlarga xayriya qilish bilan bogʻliq firibgarlikda ayblashdi. Jurnalistning soʻzlariga koʻra, hibsga olishning sababi Zaslavskaya ishlagan “milliy bogʻ maʼmuriyatiga jiddiy tuhmat” boʻlishi mumkin.
Oʻzbekiston atom energetikasi agentligi direktori Azim Axmedxojayev Jizzaxdagi kichik atom elektr stansiyasi qurilishi loyihasini turli mamlakatlar kompaniyalari amalga oshirishini maʼlum qildi.
Moskvada latviyalik basketbolchi Yanis Timma oʻz joniga qasd qildi. Basketbolchining jasadi yonida sobiq rafiqasi — rossiyalik qoʻshiqchi Anna Sedokovaning maktubi boʻlgan telefon yotardi.
2023-yilda Oʻzbekistonda 1300 ga yaqin kishi pora olayotganda qoʻlga olingan. Korrupsiyada aybdor deb topilgan 6535 nafar davlat xizmatchisining atigi 20 foizi ozodlikdan mahrum etish jazosini olgan. Qolganlari axloq tuzatish ishlari bilan qutilgan.
16-dekabr kuni Toshkent metrosi birinchi marta bir ish kunida million yoʻlovchini tashidi. Omadli yoʻlovchi poytaxtlik Kozim Sohibov boʻlib, unga metrodan bir yil bepul foydalanish imkoniyati taqdim etildi.
17-dekabr kuni Oʻzbekistonda biroz iliq boʻlishi kutilmoqda. Yoʻllarda yaxmalak saqlanib qolishi mumkin. Togʻli hududlarda ham qor yogʻmaydi.
Maktabgacha va maktab taʼlimi vazirligi 360 million soʻm toʻlab, kompaniyalardan biridan yetti daqiqadan kam boʻlgan ikkita videorolikka buyurtma berdi. Shu bilan birga, angrenlik fuqaro Oʻzbekiston prezidentiga davlat bogʻchasidagi qizi uchun navbat yildan yilga uzoqlashayotgani haqida murojaat yozmoqda.
Asosiy voqealardan birinchi boʻlib xabar topish uchun Telegram kanalimizga obuna boʻling.