Сунъий интеллект 2024 йилда учдан икки қисмга ўсади. Европада деярли барча компаниялар генератив CИни ўз стратегияларига киритмоқда, 57% аллақачон технологияга сармоя киритган ва яна 40% келгуси йилда сармоя киритишни режалаштирмоқда.
Caviar ўз веб-сайтида ғолиблар учун ватанпарварлик тўпламини тақдим этди. У Улуғ Ватан урушидаги совет халқи Ғалабасининг 79 йиллигига бағишланган iPhone 15 Pro, шунингдек, «Ғалаба куни» ижро этиладиган мини-телевизорли корпусни ўз ичига олади.
Apple компанияси App Store каталогидан WhatsApp, Telegram, Signal ва бошқа қатор иловаларни олиб ташлади. The Wall Street Journalʼнинг ёзишича, юқорида санаб ўтилган ижтимоий тармоқлар «Хитой Халқ Республикаси раиси ҳақида баҳсли тарзда хабар тарқатган», бироқ Аппле буни рад этди. Энди АҚШ TikTokʼни сотиб олмоқчи.
Британиянинг Броадбанд Гение хизмати таҳлилчилари томонидан тузилган янгиланган рўйхатга кўра, Ўзбекистон мобил интернетнинг мавжудлиги бўйича алоқа харажатлари улуши ва мамлакатдаги ўртача иш ҳақини ҳисобга олган ҳолда тузилган рейтингда 179 давлат орасида 43-ўринни эгаллади.
Google ўзининг Интернет қидирув бизнес моделини тубдан ўзгартиришни кўриб чиқмоқда. Financial Times хабарига кўра, компания ўзининг асосий қидирув маҳсулоти — Google Searchʼда сунъий интеллект асосида ишлайдиган юқори сифатли функцияларни обуна эвазига таклиф қилиш йўлларини ўрганмоқда.
Американинг OpenAI компанияси 15 сониялик овозли парчадан нусха кўчириш ва ёзма матнни овоз чиқариб, нутқ характеристикаларини ва маърузачининг овозига мослаб, етказиб берадиган Voice Engine номли тармоқни тақдим қилди. Компаниянинг таъкидлашича, нейротармоқдан бошқа шахсларнинг овозини ўхшатиш учун фойдаланиш тақиқланади.
Aliexpress эгаси Alibaba Group Хитойнинг Space Epoch ракета ишлаб чиқарувчиси билан мижозларга товарларни тезроқ етказиб бериш учун қайта ишлатиладиган ракеталарни ишлаб чиқишда ҳамкорлик қилмоқда. Space Epoch лойиҳа дастлабки босқичда эканини айтди.
Xiaomi 28 март куни Хитойда ўзининг биринчи электромобили — SU7 сотувини бошлади. Компания савдо бошланганидан кейин 27 дақиқа ичида автомобиль учун 50 мингта олдиндан буюртма олди.
Ижтимоий тармоқларда Ўзбекистон норасмий дилерлар учун автомобиллар олиб киришни чеклаши ҳақида маълумот тарқалди. Яъни, «сертификат ҳисоб-фактураси» бериш амалиёти бекор қилинади ва импорт қилинган автомобиль фақат иккиламчи бозорда сотилиши мумкин бўлади. Адлия вазирлигининг тушунтиришича, бу борадаги ҳужжат ҳали имзоланмаган ва ҳозирча ҳукуматга фақат таклиф киритилган.
Россия президенти Владимир Путин Россияда ўйин приставкалари ва консолларини ишлаб чиқариш бўйича кўрсатмалар берди. Буюртмани бажариш муддати 2024 йил 15 июнгача белгиланди.
Neuralink нейрочипи имплантация қилинган шол бемор Ноланд Арбо фикрлаш кучидан фойдаланган ҳолда Х ижтимоий тармоғида (собиқ Twitter) биринчи постини ёзди.
Хитойнинг робот ишлаб чиқарувчи NUWA Robotics компанияси Ўзбекистонда ўз ваколатхонасини очиши ҳақида IT Parkʼка хабар берди. Компания сунъий интеллект, дастурий ва аппарат таъминотларини яратиш, роботлар ишлаб чиқариш ва уларнинг UX-дизайнига ихтисослашган.
OpenAI баъзи корпоратив мижозлар билан GPT-5ʼни синовдан ўтказа бошлади. Янги тил модели 2024 йилнинг ёзида тақдим этилиши кутилмоқда.
Мия имплантлари билан шуғулланувчи Neuralink компанияси асосчиси ва миллиардер Илон Маск инсоннинг кўриш қобилиятини тиклаш учун мияга имплантация қилинадиган янги маҳсулот ишлаб чиқилишини маълум қилди.
Қозоғистондаги Allur заводида Chevrolet Onix автомобилини тўлиқ ишлаб чиқариш бошланди. Ўзбек компонентларидан кичик ҳажмдаги йиғиш ташкил этилади. Бироқ кузовлар, пластик қисмлар ва бошқа эҳтиёт қисмлари Қозоғистонда ишлаб чиқарилган.
Одамлар ва юкларни ташиш учун ихчам самолётлар ишлаб чиқарувчи Хитойнинг EHang Holdings компанияси Taobao бозорида ўзининг EH216-S учувчисиз учар таксисини сотишни бошлади. Битта шундай самолётнинг нархи 300 минг доллардан ошади.
Asosiy voqealardan birinchi boʻlib xabar topish uchun Telegram kanalimizga obuna boʻling.