Dastlabki maʼlumotlarga koʻra, 2024-yilning yanvar-dekabr oylarida Oʻzbekistonda aholi jon boshiga umumiy daromad 24,1 mln soʻmni tashkil etgan. Bu haqda Davlat statistika qoʻmitasi xabar berdi.
Ushbu davrda daromadlarning nominal oʻsish surʼati oʻtgan yilga nisbatan 116,1 foizga yetdi. Biroq inflyatsiya va isteʼmol narxlari oʻzgarishini hisobga olgan holda real oʻsish 105,9 foizni tashkil etdi.
Aholi daromadlarining oʻsishi mamlakat iqtisodiyotidagi ijobiy oʻzgarishlarni koʻrsatadi, ammo inflyatsiyaning taʼsiri hali ham sezilarli boʻlib qolmoqda.
