Qozogʻiston Respublikasi Milliy banki raqamli moliyaviy aktivlar aylanmasi uchun infratuzilmani ishlab chiqmoqda. Shuningdek, raqamli tengega asoslangan oʻz steyblkoinni ishlab chiqarish imkoniyati koʻrib chiqilmoqda.
Qurʼonni yoqib yuborishi bilan tanilgan Salvan Momika Shvetsiyaning Sedertele shahridagi oʻz kvartirasida otib oʻldirilgan. Qotillik sodir etilgan kuni sud uni gijgijlash ishi boʻyicha hukm chiqarishi kerak edi.
M23 (tutsi) qoʻzgʻolonchilar guruhi Kongo Demokratik Respublikasi sharqidagi Goma shahrini egallab olganini eʼlon qildi, bu soʻnggi yillarda mojaroning eng katta keskinlashuvi boʻldi. Janglar tinch aholining oʻlimiga, yuzlab odamlar yaralanishiga va aholining ommaviy koʻchishiga olib keldi — 400 mingdan ortiq kishi shaharni tark etdi. BMT Ruandani qoʻzgʻolonchilarni qoʻllab-quvvatlashda va harbiy harakatlarda ishtirok etishda aybladi, ammo Kigali oʻz ishtirokini rad etmoqda.
Astronomlar sayyoramiz uchun xavf tugʻdirishi mumkin boʻlgan yangi asteroidni aniqladi. Uning 2032-yil 22-dekabrda Yer bilan toʻqnashish ehtimoli 0,5% dan 6% gacha baholanadi, bu uni Apofis davridan beri eng xavfli obyektga aylantiradi.
Dog‘istonlik rossiyalik senator va milliarder Suleyman Kerimov 2018 yilda Donald Tramp ma’muriyati tomonidan unga qarshi kiritilgan sanksiyalarga qaramay, Heritage trasti orqali SpaceX ulushini saqlab qoldi.
Suriya yetakchisi va “Hayʼat Tahrir ash-Shom” guruhi rahbari Ahmad al-Sharaa rasman oʻtish davri uchun mamlakat prezidenti etib tayinlandi. Bunday qaror XTSH boshchiligidagi qoʻzgʻolonchilar alyansiga kirgan qurolli guruhlar qoʻmondonlarining uchrashuvida qabul qilindi.
Vashingtonda Ronald Reygan aeroporti yaqinida aviahalokat yuz berdi. Yoʻlovchi samolyot qoʻnayotganda harbiy vertolyotga urilib, Potomak daryosiga qulab tushdi. Halok boʻlganlar soni hozircha nomaʼlum.
Tilshunoslarning bashoratiga koʻra, XXI asr oxiriga kelib 279 til sohiblari yoʻqoladi. Asr boshidan beri 88 ta sheva yoʻq boʻlib ketdi, ular orasida Amerika va Okeaniya mahalliy xalqlari dialektlari ham bor edi. Olimlarning taʼkidlashicha, tillarning qirilib ketish surʼati oʻsishda davom etmoqda.
29-yanvardan Qozogʻiston benzin va dizelni temir yoʻl orqali olib chiqishni taqiqlaydi, fevral oyidan esa yoqilgʻi narxi oshishi kutilmoqda. Rasmiylar bu choralarni taqchillikka qarshi kurashish va bozorni erkinlashtirishga tayyorgarlik bilan izohlamoqda.
Donald Trampning xalqaro gumanitar yordamni muzlatish toʻgʻrisidagi buyrugʻi millionlab odamlarning hayotini xavf ostiga qoʻydi. OIVni davolash, ocharchilikka qarshi kurashish, infratuzilmani tiklash va mojarolardan jabrlanganlarni qoʻllab-quvvatlash dasturlari moliyalashtirilmagan.
Kaliforniya hukumati shtatning 2028-yilda ovoz berishga qoʻyilishi mumkin boʻlgan AQSH tarkibidan chiqish tashabbusi uchun imzolar yigʻishni maʼqulladi. Masalani ilgari surish uchun 500 mingdan ortiq imzo toʻplash talab etiladi va agar koʻpchilik saylovchilar gʻoyani qoʻllab-quvvatlasa, shtat mustaqilligi imkoniyatlarini oʻrganish uchun komissiya tuziladi.
“Tolibon” tashqi ishlar vaziri oʻrinbosari hibsga olinish xavfi tufayli emas, balki sogʻligʻi sababli mamlakatni tark etganini maʼlum qildi. Manbalarga koʻra, harakatning ayollar huquqlari boʻyicha siyosatini adolatsiz va islomga zid deb tanqid qilgani Haybatulla Oxundzodaning gʻazabini keltirgan.
Qirgʻiziston prezidenti Tojikiston bilan bahsli chegaralar masalasini hal qilish haqida gapirdi. Uning soʻzlariga koʻra, bahsli hududlarda shaxmat tartibida joylashgan uylarning aholisi koʻchirib yuboriladi, buning evaziga boshqa joylardagi yangi uy-joylar taqdim etiladi.
Serbiyaning Belgrad shahrida aholi koʻchalarga chiqib, shaharning eng yirik transport yoʻlini toʻsib qoʻydi. Namoyishchilar hukumatdan Novi Sad vokzalida 15 kishi halok boʻlgani uchun soyabonni qulatganlarni javobgarlikka tortishni talab qilmoqda.
Yevroosiyo iqtisodiy ittifoqi Hindiston bilan erkin savdo bitimi boʻyicha muzokaralarni boshlashni rejalashtirmoqda. Bitim bozorlarga kirishni kengaytirish, savdo hajmini oshirish va strategik aloqalarni mustahkamlashga vaʼda beradi.
Yevropa Ittifoqi tashqi ishlar vazirlari Rossiyaga qarshi sanksiyalarni yana olti oyga uzaytirishga kelishib oldi. Bungacha Vengriya Rossiyadan Ukraina orqali gaz tranziti toʻxtatilgani sababli qarorni qoʻllab-quvvatlamaslik bilan tahdid qilgan edi.
Asosiy voqealardan birinchi boʻlib xabar topish uchun Telegram kanalimizga obuna boʻling.