Американинг Sierra Nevada компанияси Ўзбекистонда олтита PC-12 самолётини таъмирлайди. Мудофаа вазирлиги маълумотларига кўра, $64,2 млн сарфлаш режалаштирилган бу енгил моторли турбовинтли самолётлар 2021 йил август ойида афғон ҳарбийлари томонидан ўғирлаб кетилган. Улар Толибон Кобулни эгаллаб олган пайтда қўлга тушмаслик учун Ўзбекистон чегарасини кесиб ўтган.
Тошкентнинг айрим бозорларидаги маҳсулотлар истеъмолга яроқсиз бўлиб чиқди. Маҳсулотлар белгиланган тартибда сотувдан олиб ташланди.
15 июлдан 15 августга қадар «Тўқимачи» ва «Тошкент-Йўловчи» (Марказий вокзал) станциялари ўртасида поездлар ҳаракати вақтинча тўхтатилганди, темир йўл қатновлари «Тошкент-Жанубий» йўналишига ўтказилган. «Ўзтемирйўлйўловчи» 16 август куни марказий вокзалда иш тикланишини маълум қилди.
Бухоро вилоятини ривожлантириш учун 100 миллион доллар ажратилди. Вилоятда учта йирик газ-кимё мажмуаси, 10 та қуёш ва шамол электр станцияси қурилмоқда. Тўлиқ фойдаланилмаётган ўқув бинолари ва хоналари бевосита корхонага ижарага берилади. Қабул қилинган маблағлар биноларни таъмирлаш ва жиҳозлар сотиб олишга сарфланади.
28 август куни Парижда Паралимпия ўйинлари бўлиб ўтади. Ўзбекистон терма жамоаси 65 нафар спортчи учун 113 та лицензияга эга бўлди.
15 август куни Жиноят ишлари бўйича Миробод туман суди собиқ қишлоқ хўжалиги вазири Азиз Воитовга нисбатан ишни кўришни бошлайди. У Жиноят кодексининг 4 моддаси, жумладан, йирик ўғирлик ва мансаб ваколатини суиистеъмол қилиш бўйича айбланмоқда.
Ўзбекистонда 1 октябрдан БҲМнинг ошиши муносабати билан йўл ҳаракати қоидаларини бузганлик учун жарима миқдори ошиши кутилмоқда. Эслатиб ўтамиз, асосий базавий ҳисоблаш миқдори 340 минг сўмдан 375 минг сўмга оширилганди.
АҚШ президентлигига даъвогар Дональд Трамп Илон Маск билан суҳбатда инсоният учун энг жиддий таҳдид глобал исишдан йироқ эканлни айтди.
Ўзбекистон президенти Шавкат Мирзиёев 1 сентябрдан бошлаб пенсиялар, иш ҳақи ва нафақалар миқдорини ошириш тўғрисидаги фармонни имзолади. Бундан ташқари, базавий ҳисоблаш миқдори (БҲМ) оширилди.
Ижтимоий тармоқларда кўп сонли Chevrolet Tracker автомобилларининг яшил майдонда бир қаторга тизилиб тургани акс этган видео тарқалди. Telegram каналлар уни «автомобиллар қабристони» деб атаб, UzAuto Motors автомобилларининг фойдасизлиги ва оммабоплиги пасайиб бораётганига урғу берди. Компаниянинг таъкидлашича, видео юк ташиш ҳайдовчиси томонидан транспорт воситалари жўнатилаётган вақтда суратга олинган.
13 август куни Ўзбекистонда ёғингарчиликсиз иссиқ ҳаво кузатилади. Тошкентда ҳаво 38° гача, Қашқадарё ва Сурхондарёда 43° гача исийди.
Президент Шавкат Мирзиёев навбатдаги видеоселектор йиғилишида Бухоро вилоятининг ҳар бир туманини саноат тармоқларига ихтисослаштириш зарурлигини таъкидлади.
12 август куни Париждаги Олимпия ўйинларидан қайтган Ўзбекистон делегацияси Тошкент аэропортида кутиб олинади. Сўнгги маълумотларга кўра, спортчилар билан парвоз кечиктирилган. Самолёт пойтахтга маҳаллий вақт билан 21:51 да қўнади.
Тошкент вилоятининг Тошкент туманида 23 ёшли аёл тўрт нафар эгизак фарзандни дунёга келтирди. Ҳозирда янги туғилган чақалоқларнинг аҳволи барқарор. Улар неонатолог ва ҳамширалар назорати остида зарур витаминлар ва она сутини олмоқда.
Хоразмлик 13 ёшли қиз гуруҳ бўлиб зўрланганидан кейин ҳомиладор бўлиб қолди. Қизни мактабнинг беш нафар ўқувчиси (9-11-синфлар) зўрлаган, улардан икки нафари катталар бўлган.
Тошкент шаҳар ҳокимлиги янги projects.toshkentinvest.uz платформаси жорий этилгани ҳақида маълум қилди, унга яна бир платформа — Электрон аукцион интеграция қилинган бўлиб, унинг ёрдамида турар-жой бинолари яқинидаги ер участкаларини харид қилиш мумкин.
Asosiy voqealardan birinchi boʻlib xabar topish uchun Telegram kanalimizga obuna boʻling.