Elektron mehnat shartnomalari barcha ish beruvchilar uchun majburiy bo‘ladi. Yangi qoidalar shartnomalarni Yagona milliy mehnat tizimi (YMMT) orqali elektron raqamli imzodan foydalangan holda rasmiylashtirish va ro‘yxatdan o‘tkazishni talab qiladi. Istisnolar faqat maxfiylikka alohida talablar bo‘lgan tashkilotlar uchun nazarda tutilgan.
Amerikaning nufuzli The New York Times nashri Buxoro shahri 2025-yilda tashrif buyurilishi shart bo‘lgan joy ekani haqida maqola e’lon qildi.
O‘zbekiston yadroviy chiqindilarni boshqarish strategiyasi loyihasini ishlab chiqdi va uzoq muddatli yoqilg‘i yetkazib berish uchun mahalliy urandan foydalanishni rejalashtirmoqda. Kichik quvvatli atom stansiyasini qurish MAGATE ekspertlarining tavsiyalarini hisobga olgan holda davom ettirilmoqda, birinchi blokni ishga tushirish esa besh yildan keyin rejalashtirilgan.
Rossiya yaqin yillarda Markaziy Osiyo va Xitoyga gaz eksportini sezilarli darajada oshirishni rejalashtirmoqda. Markaziy Osiyoda gaz quvurlarining o‘tkazish qobiliyatini kengaytirish bo‘yicha ishlar olib borilmoqda, shuningdek, "Sibir kuchi" va "Sibir kuchi-2" kabi yangi yo‘nalishlar orqali yetkazib berish ko‘paytirilmoqda. Ilgari loyihadan voz kechilganiga qaramay, Eron orqali Hindistonga gaz quvurini qurish masalasi yana muhokama qilinmoqda.
Oliy sud ekstremizm va terrorizm g‘oyalarini o‘z ichiga olgan va O‘zbekiston hududida namoyish etilishi taqiqlangan materiallar ro‘yxatini e’lon qildi. Unga qariyb 1400 dan ortiq manba va materiallar kiritilgan.
O‘zbekiston va Rossiya olimlari ko‘chalardagi zo‘ravonlik harakatlarini yuqori aniqlik bilan aniqlashga qodir neyron tarmog‘ini taqdim etdi. Yangi texnologiya ko‘p qiymatli mantiqdan foydalangan holda videokuzatuv kameralaridan ma’lumotlarni qayta ishlaydi, bu esa ma’lumotlarning ortiqcha yuklanishini bartaraf etish imkonini berdi.
Toshkent viloyatida dekabr oyi oxirida onasi tomonidan shafqatsiz kaltaklangan to‘rt yoshli qizcha vafot etdi. Holat yuzasidan jinoyat ishi qo‘zg‘atilgan.
O‘zbekistonda biznes yuritish uchun eng qiyin sharoitga ega bo‘lgan hududlarda faoliyat yuritayotgan kompaniyalar uchun soliq imtiyozlari qisqartiriladi. Bu 10 ta viloyatdagi 20 ta tumanga ta’sir qiladi.
Qoraqalpog‘istonda iqtisodiyot va moliya vaziri tayinlandi. Bu lavozimni Nurullan Yerlepesov egalladi.
Termiz aeroporti ob-havo yaxshilangandan so‘ng reyslarni qabul qilishni tikladi. Avvalroq quyuq tuman tufayli Silk Avia aviakompaniyasining Toshkent — Termiz (US751) reysini amalga oshirayotgan samolyoti Samarqandga qo‘nishga majbur bo‘lgan edi.
Yigit tungi klubdagi yangi yil shousi reklamasi uchun qizlarning dumbalariga shapatilardi. Video ijtimoiy tarmoqlarda kuchli qoralashga sabab bo‘ldi va sud uning harakatlarini mayda bezorilik deb topdi. Shuningdek, ijtimoiy tarmoqlarda tungi klublarning shunga o‘xshash mavzudagi boshqa reklama videolari ham tarqala boshladi.
O‘zbekistonda ayollar orasida onkologik kasalliklarning oldini olish va davolash bo‘yicha yangi davlat dasturi ishga tushirilmoqda. Emlash, muntazam skrining va elektron registr bachadon bo‘yni va sut bezi saratoni holatlarini minimallashtirishga yordam beradi. Tashabbus mamlakat rahbariyatining shaxsiy nazorati ostida.
Termiz aeroportidagi noqulay ob-havo sharoiti tufayli bir nechta reyslar zaxira aerodromlarga yo‘naltirildi.
1-fevraldan Toshkent viloyatida issiqlik ta’minoti korxonalarining issiq suv va issiqlik ta’minoti tariflari o‘zgaradi. Xalq deputatlari poytaxt viloyati Kengashi tegishli qaror qabul qildi.
OAVda avtobus yo‘lovchilari yo‘l haqini naqd pulda to‘lashga uringani uchun “chiptasiz yurish” moddasi bo‘yicha jarimaga tortilishi haqida ma’lumot tarqaldi. O‘zbekiston Transport vazirligi bu xabarni rad etdi.
Meta asoschisi Mark Sukerberg foydalanuvchilar tasmasidagi siyosiy kontentni cheklovchi o‘zgarishlarni bekor qilishga qaror qilganini e’lon qildi. Bu yangiliklar Facebook va Instagram`ga tegishli. Asosiy maqsad — qoidalarni soddalashtirish va so‘z erkinligini qo‘llab-quvvatlashni kuchaytirish.
Asosiy voqealardan birinchi boʻlib xabar topish uchun Telegram kanalimizga obuna boʻling.