Qatar Airways авиакомпанияси Доҳа–Тошкент–Доҳа йўналиши бўйича тўғридан-тўғри рейсларни йўлга қўйишни режалаштирмоқда, деб хабар берди «Дунё» ахборот агентлиги.
Ўзбекистоннинг Қатардаги элчиси Ашраф Хўжаев ва авиакомпания бош директори Бадр Муҳаммад Аль-Мийр ўртасидаги учрашувда келишувга эришилди.
Мазкур йўналиш бўйича биринчи рейс жорий йилнинг 2 июнига мўлжалланган. Дастлаб рейслар ҳафтасига 4 марта, кейин эса ҳар куни амалга оширилади.
Qatar Airways — Доҳанинг Ҳамад халқаро аэропортида жойлашган маркази билан Қатарнинг миллий авиаташувчиси. Компания 1994 йилда парвозларни амалга ошира бошлаган ва ҳозирда 170 дан ортиқ шаҳарларга парвозларни амалга оширмоқда.
