Jizzax viloyatida Matiz yengil avtomobili va yuk mashinasi ishtirokida fojiali yo‘l-transport hodisasi yuz berdi. Bu haqda YHXB matbuot xizmati xabar bermoqda.
Ma’lum qilinishicha, hodisa 13-mart kuni ertalab soat yettilarda Samarqand—Toshkent yo‘nalishidagi M39 avtomobil yo‘lining 980-kilometrida sodir bo‘lgan.
Yengil avtomobil haydovchisi rulda uxlab qolib, qarama-qarshi yo‘nalishga chiqib ketgan va yuk mashinasiga urilgan. U olgan tan jarohatlari oqibatida hodisa joyida jon bergan.
