Қўқон шаҳрида яшовчи фуқаро уйининг деразасини тош отиб синдирган қўшнисини куч ишлатиб, машинасининг юкхонасига солиб қўйди. Бу ҳақда Ўзбекистон Бош прокуратураси матбуот хизмати хабар берди.
Воқеа 14 май куни соат 19:30 да Обод юрт кўчасида содир бўлган. Вояга етмаган М.М қўшнисининг ойнасини тош билан синдириб ташлаган. Уй эгаси М.А. олти ёшли болани қўрқитишга қарор қилиб, ўзининг Nexia-2 русумли автомашина юкхонасига ўтқазиб қўйган. Боланинг онаси нима бўлганини кўрди. У кўчага югурди, шундан сўнг қўшнилар ўртасида низо келиб чиқди.
Мазкур ҳолат юзасидан Жиноят кодексининг 138-моддаси (зўравонлик йўли билан қонунга хилоф равишда озодликдан маҳрум қилиш) билан жиноят иши қўзғатилган. Гумонланувчи қўлга олинган.
