Олмалиқда қиз 16 қаватли уйнинг томидан сакраб ўз жонига қасд қилди, деб хабар берди ҳокимлик матбуот хизмати.
4 июнь куни соат тахминан 16:45 ларда Олмалиқ шаҳар ИИБга «Увайсий» маҳалласи ҳудудидаги кўп қаватли уй томидан сакраб ўз жонига қасд қилмоқчи бўлган қиз ҳақида хабар келиб тушган.
Воқеа жойига зудлик билан ҳуқуқ-тартибот идоралари вакиллари, маҳалла раиси етиб келди. Қиз билан гаплашганига қарамай, уни қутқариб қолишнинг иложи бўлмади. У пастга сакраб тушди.
Қайд этилишича, қиз бу уйда яшамаган.
Ҳозирда ҳуқуқ-тартибот идоралари ходимлари марҳум қизнинг шахсини аниқламоқда.
