Сирдарё вилояти маъмурий маркази Гулистон шаҳрида Yandex Go такси хизматлари йўлга қўйилди.
Сафарнинг минимал нархи 4000 сўмдан бошланади. Саёҳатлар учун нақд пулда ёки мобил иловага уланган карта орқали тўлов қилиш мумкин.
Гулистон Ўзбекистоннинг хизмат кўрсатилаётган 14-шаҳрига айланди. Такси хизмати ҳозирда Тошкент, Наманган, Андижон, Фарғона, Марғилон, Қўқон, Самарқанд, Бухоро, Термиз, Нукус, Қарши, Урганч ва Хива шаҳарларида ҳам мавжуд.
