Сўровда қатнашган россияликларнинг 80 фоизи ўз ҳудудларида жуда кўп муҳожирлар яшайди, деб ҳисоблайди. Йил давомида вазиятдан норози фуқаролар улуши 21 фоиз пунктга ошди. Бу ҳақда hh.ru платформаси мутахассислари томонидан ўтказилган сўров натижалари далолат беради, улар РБК ихтиёрида мавжуд.
Кўпинча тўрт соҳа ходимлари норозилик билдиришди: транспорт ва логистика (92%), автобизнес (91%), хавфсизлик (89%), қурилиш (85%).
Респондентларнинг 12 фоизи Россиядаги меҳнат муҳожирлари сонини етарли деб атади. Сўров иштирокчиларининг 4 фоизи мигрантлар кўпроқ бўлиши мумкинлигини айтишган. Қоидага кўра, ИТ-мутахассислар ва маркетинг, чакана савдо, туризм, умумий овқатланиш, хомашё қазиб олиш соҳасидаги ходимлар шундай деб ҳисоблашади.
Сўровда қатнашганларнинг 58 фоизи мигрантларни асосан маҳаллий аҳолига мос келмайдиган шароитларга ёллашларига амин. 59% мигрантлар меҳнати иш берувчиларга арзонроқ тушишига ишонади. Респондентларнинг ярми мигрантларни ёллаш фойдалироқ, чунки улар ўз ҳуқуқларини ҳимоя қилишлари қийинроқ деб ҳисоблайди.
Сўров иштирокчиларининг 62 фоизи меҳнат миграцияси Россия ҳудудларига зарар етказишини таъкидлайди. Қарама-қарши нуқтаи назарни 13% респондентлар билдиришган. 56% муҳожирлар маҳаллий аҳоли банд қилиши мумкин бўлган иш жойларини топишига ишонишади. Шу билан бирга, россияликларнинг 39 фоизи уларнинг ўрнига ишлашга тайёр, 28 фоизи эса тайёр эмас.
hh.ru ва Россия саноатчилар ва тадбиркорлар иттифоқи (РСПП) сўровлари шуни кўрсатдики, Россия меҳнат бозорида хорижий ишчи кучига талаб ортиб бормоқда, аммо мигрантлардан фойдаланадиган компанияларнинг ярмидан кўпи бундай ишчиларни етарли миқдорда ёллай олмайди. Ноқонуний миграцияга қарши курашнинг кучайиши, қонун ҳужжатлари ва Россияда қонуний ишлашни хоҳловчи чет элликларга қўйиладиган талабларнинг қатъийлаштирилиши келажакда Россияда меҳнат таклифини янада камайтиради.
