Пойтахтнинг Шайхонтоҳур туманида бир нечта қўшни уйлар ёниб кетган. Ёнғин ўчирувчилар ёнғинни ўчиришга муваффақ бўлди.
Тошкент шаҳар ФВБ хабарига кўра, «Билдириш» кўчасида ёнғин содир бўлгани ҳақида соат 16:54 да маълумот келиб тушган.
Олти дақиқадан сўнг воқеа жойига бир нечта ёнғин-қутқарув бригадалари етиб келди. Соат 17:40 да ёнғин ўчирилди. Ёнғин оқибатида тан жароҳати олганлар йўқ.
Ёнғин сабаби ва моддий зарар миқдори аниқланмоқда.
