Oʻzbekiston dunyodagi eng jozibador sayyohlik yoʻnalishlari roʻyxatida yetakchilik qilmoqda, deb xabar beradi Turizm qoʻmitasi matbuot xizmati.
Wanderlust sayyohlik jurnali tomonidan tashkil etilgan yillik Reader Travel Awards mukofotida sayohatchilar oʻzlarining sevimli dam olish joylarini tanladilar. Bu yilgi ovoz berishda 168 ming kishi ishtirok etib, 22 ta turli yoʻnalishni baholadilar.
Shuningdek, oʻquvchilar eng istiqbolli turistik yoʻnalishlarni aniqladilar va Oʻzbekiston eng istiqbolli rivojlanayotgan yoʻnalish sifatida eʼtirof etildi.
Maqolada taʼkidlanishicha, Oʻzbekiston nafaqat tarixiy boyliklariga ega, balki Qizilqum sahrosining cheksiz kengliklaridan tortib Orol dengizi qirgʻoqlarigacha boʻlgan ajoyib tabiat manzaralariga ham ega. Biroq, bu goʻzalliklar koʻpincha eʼtibordan chetda qoladi.
“Lekin bu Oʻzbekistonda koʻrish mumkin boʻlgan narsalarning hammasi emas. Uning hududida Nurota togʻlari joylashgan. Bundan tashqari, bu yerda Oʻzbekiston madaniyatiga chuqur kirib borish, uzoq vinochilik tarixini va YUNESKOning nomoddiy madaniy merosi roʻyxatiga kiritilgan anʼanaviy oshxonasini oʻrganish uchun noyob imkoniyat mavjud”, — deyiladi xabarda.
Reytingda Albaniya ikkinchi oʻrinni, Qatar esa uchinchi oʻrinni egalladi.
