Oʻzbekistonda QR-cheklarni skanerlash xizmatlari va Soliq.uz ilovasining boshqa funksiyalari vaqtincha ishlamayapti.
Ijtimoiy tarmoq foydalanuvchilari ertalabdan buyon uning ishida uzilishlar boʻlgani haqida xabar berishmoqda. Davlat soliq qoʻmitasi texnik nosozliklar mavjudligini tasdiqladi, biroq hozircha tizimni toʻliq tiklay olmadi.
“Muammolarni bartaraf etish boʻyicha tezkor choralar koʻrilmoqda va tez orada ilova faoliyati qayta yoʻlga qoʻyiladi. Keltirilgan noqulayliklar uchun uzr soʻraymiz”, — deyiladi xabarda.
